Сега "Escort RS" се врати, и тоа во многу повозбудлива форма, а овој пат "Ford" делумно се вклучи во проектот.

Со дозвола на "Ford", британската компанија "Boreham Motorworks" го враќа "Escort" со високи перформанси преку концептот „continumod“.

Овој маркетиншки термин значи „возило верно на оригиналниот дизајн, приспособено на периодот, повторно изградено“.

Со други зборови, автомобилите се изградени од темел, наспроти освежувањето на постоечките возила, како што е случајот со типичните „restomod“ проекти.

Како лиценциран партнер на "Ford", "Boreham Motorworks" го произведува "Escort RS" како континуитетен модел, вклучувајќи ги и броевите на „шасијата“ обезбедени од "Ford".

Ова возило ја продолжува приказната што започна пред повеќе од половина век со "Escort RS1600" од 1970 година.

Модерен класик со ретро душа

Новиот "Escort RS" му оддава почит на оригиналот со тоа што ги одржува чистите линии на неговиот претходник, со модернизирани компоненти.

За погонот е користен поголем мотор со зафатнина од 2,1 литри, кој развива импресивни 296 коњски сили и достигнува вртоглави 10.000 вртежи во минута.

Силата се пренесува на тркалата преку петстепен мануелен менувач.

Како опција е достапна и основната верзија која има 1,8-литарски мотор со 182 коњски сили, со четиристепен мануелен менувач.

Иако овие бројки може да изгледаат скромни од денешна перспектива, "Boreham Motorworks" има за цел автомобилот да тежи само 800 килограми, што го прави полесен дури и од најлесната верзија на "Mazda MX-5".

Во согласност со традицијата, нема асистенции како "ABS", сервоволан, контрола на тракција или моќни сопирачки. Сепак, автомобилот има диск-сопирачки на сите четири тркала.

Дизајн и ентериер

Челичната каросерија ги следи оригиналните пропорции, а 15-инчните тркала со 4 краци ги исполнуваат проширените агли на браници.

Кованите тркала од магнезиум се исто така достапни како опција.

Внатрешноста вклучува спортски седишта, целосен заштитен „кафез“ за дополнителна сила, алкантара и кожа, како и опционални безбедносни појаси со четири точки.

Исто така, има простор за складирање на тркачки шлемови од карбонски влакна.

Иако е класичен автомобил, овој "Escort "има клима-уред, мал инфозабавен систем и нови прекинувачи.

Цена и достапност

Цената на ова возило е неверојатни 295.000 фунти (околу 357.000 евра). Производството ќе започне во третиот квартал на следната година, а серијата ќе биде ограничена на само 150 примероци.

Официјалната премиера е закажана за летото 2025 година. Инаку, автомобилот доаѓа со двегодишна гаранција или 20.000 милји (32.000 km).

Пристигнувајќи 50 години по последното специјално издание "Escort RS Mk1" од 1974 година, овој модел е совршен спој на минатото и сегашноста.