Иако веќе си го обезбеди своето место во филмската историја, Фримен не престанува да работи на нови проекти. Во текот на 2021 година, тој одглуми во неколку филмови, вклучувајќи ги „The Comeback Trail“, „Vanquish“ и „Hitman’s Wife’s Bodyguard“, а исто така се појави и во филмот „Coming 2 America“.

Во текот на својата кариера, Фримен често зборуваше за неговите омилени филмови и изведби. Изненадувачки, како негова најдобра изведба ја издвои улогата во филмот „Driving Miss Daisy“, кој доби Оскар за најдобар филм.

Филмот кој најмногу го сака, а не учествувал во него

На прашањето кој е неговиот омилен филм во кој не глумел, Фримен го издвои познатиот мјузикл на Баз Лурман, „Moulin Rouge“. Овој филм, познат по својот успех кај критичарите и публиката, остави силен впечаток врз Фримен.

„Мојот омилен филм во кој не глумев? „Moulin Rouge“! Едноставно мислам дека тој филм е неверојатен“, рече Фримен во едно интервју, објаснувајќи што толку многу го фасцинира во овој филм. „Она што го направи Баз Лурман е навистина неверојатно … танцот, костимите, музиката“.

Фримен, исто така, истакна дека „Moulin Rouge“ е филм кој предизвикува поделени мислења: „Некои луѓе навистина го сакаат, додека други не можат да го смислат. Мислам дека тоа е знак на уметноста – кога предизвикува такви реакции“.

Тој го опиша филмот како вистинско уметничко дело: „Останува во меморијата, а луѓето го доживуваат многу емотивно. Ми се допаѓа начинот на кој е монтиран „Moulin Rouge“. Ја има таа френетична енергија која ве држи „приковани“ пред екранот“.