Фелипе Мело (41) стави крај на фудбалската кариера. „Денес завршувам едно од најважните поглавја во мојот живот – мојата фудбалска кариера. Тие беа неверојатни години, полни со битки и победи, но пред сè, тоа беа години во кои гледав како Божјите намери се исполнуваат во секој чекор. Сè што доживеав беше водено од Неговата рака, вечно сум благодарен за привилегијата да можам да го правам тоа што го сакам.
Мојата сила секогаш доаѓа од верата, љубовта и Божјата милост. Во најтешките моменти тој беше тука за мене, ме креваше, а во моментите на слава, ме потсетуваше да бидам благодарен. Би сакал да им се заблагодарам на сите клубови за кои имав задоволство да играм, на навивачите кои ми беа гориво, на моите соиграчи, на сите луѓе кои го одбележаа ова патување и на семејството кое веруваше во мене. Но, најмногу му благодарам на Бога што ми даде подарок, храброст и можност да го искусам сето ова.
Сега влегувам во следното поглавје со доверба, бидејќи знам дека Тој ќе продолжи да ме води. Им благодариме на сите кои беа дел од оваа приказна. Ти благодарам, Исусе, што си дел од мојот живот. Никогаш не престанувајте да сонувате големи соништа затоа што Тој ги исполнува“, напиша Мело на Инстаграм.
Тој беше контроверзен фудбалер
Мело ја започна својата кариера како дефанзивец во 2001 година во Фламенго, а во следните години играше за Крузеиро, Гремио, Мајорка, Расинг, Алмерија, Фиорентина, Јувентус, Галатасарај, Интер, Палмеирас и Флуминенсе, кој беше неговиот последен клуб. Најмногу натпревари одигра за Палмеирас (217), Галатасарај (154), Флуминенсе (108) и Јувентус (78). Освои 16 клупски трофеи и одигра 22 натпревари за Бразил.
Тој беше агресивен и контроверзен фудбалер. На пример, во 2018 година за малку ќе му ја скршеше ногата на ривалот Маркос Касерес, рече дека е меѓу играчите кои „по малку го удираа Лионел Меси“, имаше шпекулации дека може да стане боксер, го нарече Килијан Мбапе идиот, а во финалето на Светското клупско првенство во 2023 година се судри со играчите на Манчестер Сити.
Тој преку медиумите разговараше со поранешниот соиграч од Јувентус, Џорџо Киелини, кој за Мело рече: „Двајца играчи ме разочараа многу во кариерата, а тоа се Марио Балотели и Фелипе Мело. Балотели е негативна личност која не го почитува тимот. За време на натпреварите тој воопшто не учествуваше во тимската игра. На натперварот со Бразил на Купот на Конфедерациите во 2013 година, тој заслужи шлаканица.
Луѓето мислат дека тој беше во првите пет напаѓачи, но за мене тој не беше ни во топ 20. Сепак, има некој полош од него, а тоа е Фелипе Мело. Тој е полош од најлошиот. Со него секогаш се беше на работ на борба, тоа им го кажав на луѓето во клубот".
Денес
