Иако Доналд Трамп не зборува словенечки или српски, постојат ситуации кога имал контакт со овие јазици поради неговото семејство. Неговиот син, Барон Трамп, бил изложен на словенечкиот јазик од неговата мајка Меланија Трамп, која е родена во Словенија.
Повторно осамна видеото од 2010 година на кое младиот Барон говори англиски со словенечки акцент за време на интервјуто со Лери Кинг. Во видеото, Барон комуницира со своите родители, покажувајќи го неговото рано изложување на словенечкиот јазик.
Исто така, извештаите сугерираат дека Доналд Трамп понекогаш се чувствува изоставен кога Меланија и Барон зборуваат на словенечки бидејќи не го разбира јазикот.
Доналд Трамп открил дека често се чувствува изоставен кога неговата сопруга Меланија Трамп и нивниот син зборуваат на словенечки. Тие често го користат тој јазик во разговорите со родителите на Меланија, вели Мери Џордан, авторката на биографијата на Меланија. Џордан додала: „Тој нема поим за што зборуваат“. Ретко видео на кое Барон Трамп говори, на возраст од четири години, повторно стана вирално на интернет откако корисниците на социјалните мрежи истакнале дека тој го има словенечкиот акцент на неговата мајка.
Синот на Доналд Трамп, кој сега има 18 години, останува подалеку од очите на јавноста, жестоко заштитен од центарот на вниманието од неговата мајка Меланија Трамп, а практично нема снимки од зборувањето на најмладиот Трамп.
„Оваа опсесија со Барон е урнебесна ако се земе предвид дека единственото видео кое го имаме од него како зборува е ова“, напишал извесен корисник на социјалната мрежа „X“, споделувајќи старо видео од 4-годишниот Барон како се подготвува првпат да оди на училиште.
„Ми се допаѓа мојот куфер!“ вели возбудениот Барон на англиски, но со вистински словенечки акцент. Барон потоа ја прашува мајка си: „Морам сега да одам на училиште?“
This obsession with Barron is hilarious when you consider that the only video we have of him speaking is this https://t.co/7TgpZr1nYd pic.twitter.com/wt5f6zOvnf
— trappy 🎀💌 (@c1nnamonbunny) November 13, 2024
„Да, прво ќе ручаш, а потоа ќе одиш на училиште“, вели Меланија. Видеото за кратко време станало вирално, собирајќи повеќе од 9,4 милиони прегледи. Првично било снимено во 2010 година за специјална емисија на „Larry King Live“.
„Прекрасно е што сите забележавме дека е вистинско мамино момче, бидејќи неговиот нагласок е како оној на Меланија. Се прашувам кога избледел“, рекол друг. „Дали тоа Барон зборува со словенечки акцент иако е роден и израснат во Њујорк? Тоа е прилично смешно“, додал трет корисник. „Тоа е толку прекрасно. Звучи како неговата мајка. Може да се каже дека таа била многу ангажирана мајка“, се наведува во коментарот.
Извесен корисник забележал дека студентот на „NYU“ по сè изгледа го изгубил акцентот, бидејќи тоа го слушнал на видео на кое Барон накратко се поздравува со некого.
