Победата на Хрватска над Франција ќе биде топ тема во спортската јавност и денеска, а свој коментар за случувањата во Загреб дал и Лино Червар, искусниот стручњак кој ја предводеше Хрватска до најголемите успеси во минатото.
Червар бил воодушевен од настапот на неговите помлади сонародници и посебно ја истакнал одбраната 5-1, која според него била клучна за неутрализирање на противникот.
– Покажавме дека се уште сме ракометна велесила, без разлика кој што зборел изминативе години.
– Ова беше феноменален натпревар, покажавме што значи нашата зона 5-1 која многумина ја нарекуваа демоде, на ова СП се покажа дека одбраната 6-0 е веќе застарена.
– Французите беа немоќни, беа како мали деца, а Хрватска покажа дека тимската игра е најважна. Ги направивме Французите смешни, во првото полувреме ги растуривме. Не знам што ќе прават Данците ако ја победат Португалија, но една работа е јасна. Ако не најдат одговор за нашата одбрана 5-1, Хрватска ќе стане светски шампион, – истакнал Червар.
