Дилета Леота ужива во бракот со голманот Лорис Кариус, кој подолго време беше без ангажман. Сега се согласи на договорот само за да биде поблиску до семејството, а заработува три пати помалку од водителката.
Италијанската спортска новинарка Дилета Леота, заштитно лице на телевизијата "ДАЗН" и Серија А летово се омажи за голманот Лорис Кариус со која има ќерка. Не е изненадување што „паднала“ на некој од нејзиниот бизнис, но многумина се изненадени кога откриваат дека таа всушност заработува повеќе од фудбалерот.
Лорис Кариус е без работа од јули кога му истече договорот со Њукасл Јунајтед, а само пред неколку дена најде нов ангажман. Тој потпиша за германскиот второлигаш Шалке и ќе биде поблиску до Дилета Леота, која и самата имаше ултиматум за него.
Таа побарала новиот клуб за кој потпишал да биде во близина на Милан, па Кариус со месеци се надевал дека ќе му се јави некој од Апенините, но залудно. Неговите големи грешки во финалето на Лигата на шампионите во 2018 година, кога му подари два гола на Реал Мадрид и го остави својот тим Ливерпул без посакуваниот трофеј, го следат до ден-денес.
Така тој од германски репрезентативец и многу почитуван голман премина во чекање повик од второлигашот од Гелзенкирхен, кој дури и се бори за опстанок во „Цвајта“. Тој се согласи и на значително намалување на платата за до крајот на сезоната да заработува „само“ 150 илјади евра или околу 27 илјади евра месечно. Тој не е ниту во групата на најплатени играчи на Шалке, кои заработуваат двојно повеќе од него.
Што се однесува до Дилета Леота, нејзината месечна плата во телевизијата ДАЗН е 1.000.000 евра, без бонуси, но како што и самата истакнува парите никако не и се на прво место, без разлика како медиумите претходно пишуваа за неа.
Така, таблоидите во Италија ја „раскинаа“ нејзината свршувачка со актерот Џан Јаман, откако се проширија гласини дека таа го изневерува со синот на милијардер, сопственик на Рома. Тоа е Рајан Фридкин, што таа подоцна го демантираше, додека извесно време беше поврзувана и со Златан Ибрахимовиќ.
