Задругата ќе го носи името Арла, а Педер Туборг (Туборг), актуелниот извршен директор, ќе остане на чело на компанијата чие седиште и понатаму ќе биде во Данска.

Годишен приход од 19 милијарди евра

„Arla Foods“ е една од најголемите светски млечни компании, а истовремено и водечки производител на млечни производи во Скандинавија. Основана е во 2000 година со спојување на данските и шведските млечни задруги, а денес е меѓународна кооперација со сточари од повеќе европски земји.

Заедничката задруга ќе има проценет годишен приход од 19 милијарди евра, соопштија компаниите.

„Ова спојување е природно продолжение на нашата силна соработка во корист на потрошувачите, нашите сточари и нивната цена на млекото“, изјавил Туборг.

Се чекаат регулаторни одобренија

Новиот субјект ќе биде посилен и поотпорен во соочувањето со очекуваниот пад на вкупните европски количества млеко, преку поразновидно портфолио на производи и позиција на пазарот, велат тие.

„Преку глобалниот дострел на Arla, можеме да пристапиме до потрошувачите и клиентите надвор од нашиот сегашен географски дофат, како и да ја зајакнеме нашата деловна отпорност“, изјавил извршниот директор на „DMK Group“, Инго Милер.

Договорот за спојување е предмет на одобрување од одборот на претставници на двете компании, кои ќе гласаат за него во јуни годинава. Исто така потребно е и добивање на регулаторни одобренија, кои се очекува да бидат донесени до крајот на 2025 година.