Кристијано Роналдо, легендарниот португалски фудбалер со моментална адреса во Саудиска Арабија, со години е во вонбрачна врска со Џорџина Родригез, со која има големо и среќно семејство, а се сеќавате ли на неговата прва девојка што ја претстави јавно?

Имено, станува збор за Џордана Жардел, сестрата на тогашниот соиграч на Роналдо во Спортинг Лисабон, Марио Жардел.

Бурен љубовен живот на еден фудбалер

Љубовниот живот на Роналдо со години ги интригира неговите фанови, а познато е дека пред да ја запознае Џорџина Родригез бил во врска со руската манекенка Ирина Шајк. 

Тие дури поминаа пет години заедно пред дефинитивно да раскинат, а Португалецот беше поврзуван со уште многу познати девојки, како Ким Кардашијан и Парис Хилтон.

Сепак, првата девојка на Роналдо, барем додека го познаваме, не е светска ѕвезда. Џордана беше првата официјална врска на Роналдо откако тој стана професионален фудбалер во 2003 година.

Не се знае многу за нивната врска, а најверојатно раскинале кратко откако почнало да се пишува за нивната врска, па затоа денес има малку заеднички фотографии од Џордана и Кристијано.

Неодамна, таа се венчала, а често ги објавува на социјалните мрежи романтичните моменти што ги поминува со својот сопруг Пол Ванзелер од Бразил.

Таа започнала сопствен бизнис и се посветила на козметички третмани, и постојано посетува дополнителна едукација.

„Беа месеци на учење, посветеност и многу знаење, секогаш со цел да им го дадам најдоброто на моите пациенти. Денес славам уште еден чекор во мојата професионална кариера - диплома за лимфотерапија во мои раце! Обуката што дојде да придонесе, да ги подобри моите третмани и да ми овозможи уште подобро да се грижам за секој човек што ми верува“, напишала таа пред неколку недели на својот Инстаграм профил под фотографијата на која ја држи дипломата.

Таа е сè уште многу привлечна и добила признание за својата работа.

„Имав чест да добијам награда како масерка и срцето ми е исполнето со благодарност. Ништо од ова не би било можно без поддршката на моите пријатели, семејство и, пред сè, на моите клиенти, кои веруваат во мојата работа и ме мотивираат да се подобрувам секој ден. Ова признание е наше. Ви благодарам на сите што сте дел од овој успех! Благодарна сум за сè што Бог направи во мојот живот“, заклучила таа.