По напорната трка, Леклер реши да се опушти на еден невообичаен начин — со посета на "McDonald’s". Возејќи го својот ексклузивен "Ferrari SF90 XX Stradale", вреден 800.000 евра, Леклер ја подигна својата нарачка од ресторан за брза храна во близина на патеката во Имола. Неговото појавување предизвика вистинска еуфорија кај присутните фанови и персоналот на ресторанот. Со него беа и неговата девојка Александра Сент Млеу и нивното куче.

Ретка серија од само 799 примероци

Особено возбудена беше една вработена која веднаш го препозна ѕвездата на Ферари додека му ја подаваше храната низ прозорецот. Возилото на Леклер дополнително го привлече вниманието бидејќи станува збор за многу редок модел, произведен во само 799 примероци. Поседува импресивна моќност од 1.016 коњски сили, благодарение на комбинацијата на 4-литарски "V8" мотор и електричен погон од 171 kW. Се верува дека токму примерокот на Леклер е дополнително персонализиран.

Следниот предизвик го чека веќе овој викенд во Монако, каде што ќе се обиде да го подобри својот бодовен пласман. Моментално е петти во генералниот пласман со 61 бод, додека Ферари го држи третото место меѓу конструкторите со вкупно 113 бода.