Имено во едно од неговите гостувања во емисијата „Ординација“ на РТС, урологот и сексолог Александар Милошевиќ разреши неколку табу теми поврзани со сексуалните односи и големината на машкиот полов орган.

Кога е вистинското време за започнување сексуален живот?

„Нема потреба од брзање, околу 17-18 години е време да размислите за тоа. Денес имав пациент на 30 години, тој никогаш немал девојка, немал никаков контакт. Цел живот мастурбирал и немал потреба од девојка“.

„Не е добро луѓето постојано да гледаат филмови за возрасни. Мажите гледаат супермени на телевизија и тешко е да се достигнат тие идеали. Мажите се плашат да стапат во контакт. Тука настанува проблемот“, изјави урологот.

Која е нормалната големина на пенисот?

„Нормалниот пенис е долг 13 до 14 см при ерекција. Тоа е доволна големина, ако постои љубов, за да се задоволи партнерката. А вагината на партнерката е длабока од 8 до 9 см, но се протега до 13 или 14 см кога е возбудена. Ако нема љубов и желба, тогаш дури и мал пенис може да боли. За сексот, најважно е да се развие емотивна врска“, истакна д-р Милошевиќ.

Колку минути треба да трае сексуалниот однос или сексуалниот чин и колку пати во текот на ноќта?

„Бројот на сексуални односи е индивидуална работа. Ако сексуалниот однос е успешен, ако двајцата се задоволни, доволен е еден сексуален однос.

Жената може да биде задоволна и да ѝ биде доволно само галењето без оргазам. Имате 5% жени кои никогаш не доживеале оргазам. Постојат лекови кои го решаваат тој проблем. Но што е проблемот? Жените учат да живеат со тоа да не доживуваат оргазам, и затоа не посетуваат лекар“, раскажа лекарот.

Колку минути треба да трае сексот?

„Докажано е дека жената потенцијално е многу посилна сексуално. На жената ѝ се потребни 2,5 минути за да доживее оргазам, а на мажот 4 минути.“

Значи, чинот треба да трае 4 или 5 минути?

„Доволно е ако двајцата се задоволни. Предиграта може да трае подолго или пократко, а самиот чин може да трае само 4 или 5 минути. Ако вкупниот чин на пенетрација трае 20 или 30 минути – може да биде здодевен. Бројот на минути не треба да биде мерило“.

Дали е добро бабите и дедовците во седмата деценија да имаат секс?

„Секако. Прво, бабите и дедовците не можат да се сакаат како што се сакале кога имале триесет години. Маж на возраст од 50 или 60 години е сериозно загрозен од недостатокот на тестостерон. Постојат инјекции што се даваат на секои 3 месеци и со тие инјекции можат да се подмладат до 10 години. За лица на возраст од 50 до 60 години, пожелно е да имаат 2 сексуални односи во текот на неделата. Ја заменува теретаната. Наместо прошетка, може една партија секс“, заклучи урологот.