Пејачката и актерка Џенифер Лопез (55), се нашла на мета на критики откако го отворила доделувањето на „American Music Awards“ во Лас Вегас со својот провокативен настап којшто вклучувал бакнеж со маж и жена, а сето тоа се пренесувало во живо на телевизија.

Настап којшто го поделил мислењето кај публиката

Лопез, која неодамна стави крај на бракот со актерот Бен Афлек, била домаќин на вечерта која се емитувала на „CBS“. На почетокот од церемонијата извела енергично шоу во траење од шест минути, изведувајќи микс од дури 23 номинирани изведувачи.

Меѓутоа, нејзината намера со својата харизма да надмине едни од најголемите ѕвезди како што е и Тејлор Свифт, не наишла на воодушевување.

Гледачите бурно реагирале на бакнежот со танчарите, нарекувајќи го нејзиниот настап „очаен“ и „невкусен“.

Гнев на социјалните мрежи

На мрежата „X“ се појавиле бројни коментари. Еден корисник напишал: „Џенифер Лопез целосно го изгубила компасот“, друг додал: „Зошто Џенифер Лопез ги бакнува сите на сцената?“, додека пак трети истакнале дека станува збор за тоа што таа се обидува да го направи љубоморен поранешниот сопруг Бен Афлек.

Бакнежот со женската танчарка предизвикал дополнителни реакции, а многумина нејзиниот потег го нарекле „премногу провокативен“ и „непотребен“.

Настап полн со хитови и провокативни костими

Џенифер го започнала шоуто со песната „Dance Again“ од 2012 година, а потоа играла на актуелните хитови како „Birds of a Feather“ од Били Ајлиш, „Espresso“ од Сабрина Карпентер и „Texas Hold’Em“ од Бијонсе.

Били Ајлиш триумфирала

Иако не присуствувала на настанот, Били Ајлиш однела најмногу признанија вечерта, како и наградата за изведувач на годината.

Во снимената порака од Европа, каде моментално е на турнеја, таа кратко порачала: „Ова е неверојатно. Останав без зборови“.