ПСЖ и Интер ќе го играат финалето на Лигата на шампионите во Минхен во 21 часот. И додека навивачите на Интер со нетрпение чекаат шанса да ја освојат четвртата титула европски шампион во историјата, во Минхен ги шокира шпекулација од француските медиуми.
Имено, како што пишува „Фут Меркато“, по финалето, тренерот Симоне Инзаги би можел да ги напушти „нераѕурите“.
Според овој извор, италијанскиот стручњак усно се договорил со Ал Хилал и дека, доколку ништо значајно не се промени, треба да потпише договор вреден 30 милиони евра по сезона во наредните денови.
Ова сценарио би било ужасно за италијанскиот гигант. Инзаги не само што се смета за врвен тренер, туку и за еден вид архитект на новиот Интер во кој, со не толку импресивна финансиска состојба, изгради тим кој е национално и глобално релевантен.
49-годишниот поранешен напаѓач го предводи Интер од летото 2021 година. Минатата сезона ја освои шампионската титула. Ове беше во трка со Наполи до последното коло, но на крајот освои бод помалку и остана без нова титула.
