Видеото од свадбата што се одржа во Сплит многу брзо стана вирално и се прошири низ социјалните мрежи. На свадбената прослава во хотелот се пееше и свиреше сè и сешто, а според музичарите задолжени за атмосферата, на репертоарот имало песни од Загора до Индија.

Невестата од Каштела, младоженецот од Англија, кумот Индиец

„Имавме можност да настапуваме на исклучително весела свадба. Невестата е од Каштела, а младоженецот е од Англија. Она што предизвика најголемо внимание во јавноста беше снимката на која кумот на младоженецот, инаку Индиец, заедно со младоженецот и останатите гости, игра на песната „Ганга и рера“ од Пекје и Војко В. Така и настана нашиот сега веќе вирален видео-клип“, изјави бендот за "Index'.

„Го обожуваат нашиот музички фолклор“

Како што додаваат, биле пресреќни што свиреле за толку позитивни и драги луѓе.

„Тие заедно со своите кумови и гости ја доведоа атмосферата до точка на вриење. Хрватски и странски хитови не недостасуваа, но она што беше најинтересно е тоа што гостите од Индија и Англија сепак ги претпочитаа хрватските песни пред странските. Танцуваа до раните утрински часови, а младенците и гостите докажаа дека навистина нема граници кога се во прашање љубовта и добрата забава“, заклучија музичарите.