На интернет се споделува видео од украинска плажа кое привлекло големо внимание во јавноста. Имено, семејството одлучило да помине ден на плажа, но наместо да се опушти и да ужива на сонцето, ги дочекало непријатно изненадување.

Во текот на викендот, едно украинско семејство се упатило до локалната плажа и си понело ручек од дома, што се докажало дека е лоша одлука.

По капењето во морето, тие се вратиле на своето место и таму ги дочекала непријатна сцена – нивната ќеса со храна ја нападнале стотина пчели.

Според видеото кое го снимила Ана Марчак, матицата се вовлекла во еден од ранците, а остатокот од ројот тргнал кон неа и целосно ја прекрил ќесата.

Огромната колонија пчели предизвикала паника кај капачите кои во страв почнале да бегаат.

Пронајдено решение

Меѓутоа, меѓу нив имало и еден човек којшто покажал исклучителна смиреност. Со картонска кутија во раката, бестрашно пришол до ранецот покриен со пчели и едноставно го однел заедно со пчелите.

Неговата храброст, но и необично однесување дополнително ги заинтригирало гледачите на видеото.

Досега видеото е погледнато над два милиони пати и добило околу 890 коментари.