Најмногу од коментарите се однесуваат на издолжениот модул за камерите којшто, според гласините кај Pro и Pro Max моделите би требало да го заземе речиси целиот горен дел . Станува збор за голема промена во однос на досегашните изданија на „iPhone“.

Корисник објавил две фотографии од претстојниот „iPhone 17 Pro“, од профил и од задна страна.

„iPhone 17 Pro“ во црна боја, апсолутно е прекрасен“, напишал тој и иницирал дебата.

„Луѓето навистина го нарекуваат убав?“, „Таа камера...“, „Грозен е“, „Златни 14 Pro/Pro Max, беа последните убави iPhone телефони“, „Би било убаво да нема таква задна страна“.

Меѓутоа, за многумина овој телефон е убав: „Прекрасен“, „Целосно се согласувам, но на крај секогаш избирам нова „hero“ боја“, „Почнува да ми се допаѓа“, „Моментално најмногу ме привлекува“.

„iPhone 17“ серијата би требала да стигне во септември

Да ве потсетиме, се очекува новата серија на „Apple“ на „iPhone 17“ телефони да биде претставена во септември годинава и тоа моделите: „iPhone 17“, „iPhone 17 Air“, „iPhone 17 Pro“ и „iPhone 17 Pro Max“.

Веќе неколку месеци кружат рендери и гласини дека токму така како што е претставен телефонот на фотографиите и ќе изгледа, со издолжен модул за камерите на задната страна, а моделите 17 Pro и 17 Pro Max ќе бидат потесни.