На премиерата на серијата „Dexter: Resurrection“ во Њујорк, актерката Емили Кимбал блесна на црвениот килим во впечатлив црн фустан со отворен грб и висок шлиц.
Сепак, таа привлече посебно внимание кога позираше со кренати раце и ги покажа неизбричените пазуви, што предизвика низа реакции и коментари.
На тој начин, таа испрати порака дека не се согласува со наметнатите идеали за убавина, туку избира да биде автентична и своја.
Потсетуваме Кимбал веќе постигна значаен статус на актерската сцена, а ја започна својата кариера во филмови во Портланд, пред да се приклучи на синдикатот на актери „SAG-AFTRA“ во 2017 година и да се пресели во Лос Анџелес. На малите екрани, таа се појави во серии како што се „Platonic“ и „Daisy Jones & The Six“ (двете од 2023 година) и „Wu‑Tang: An American Saga“ (2019).
Исто така актерката е добитничка на признание во светот на филмот: за нејзината главна улога во драмата „Undeserved“ (2016), ја освои наградата за најдобра актерка на фестивалот „Great Lakes Christian Film Festival“.
