Младата американска актерка Ариел Винтер, која се прослави како дете играјќи ja Алекс Данфи во ТВ серијата „Модерно семејство“, откри дека била сексуално вознемирувана додека работела во Холивуд.
Во интервју за „Дејли мејл“, таа изјави дека ѝ пристапиле многу постари мажи.
„Запознаена сум со машките предатори бидејќи работам во Холивуд уште од дете. Почнав кога имав четири години. Не сакам премногу да зборувам за тоа, но кога почнав да користам лаптоп и мобилен телефон, почнав да добивам несоодветни пораки од постари мажи и тоа беше трауматично“, рекла таа.
Поради сè што доживеала лично и онлајн, таа одлучила да побара стручна помош.
„Филмската и ТВ индустријата се темно место“, додала таа.
Таа исто така спомена дека медиумите пишувале за нејзината слика за телото, навредувајќи ја затоа што е дебела.
„Во поголемиот дел од моите тинејџерски години, мојата фигура беше главна тема на разговор во градот. Беше насекаде, во секој наслов што го читав за себе. Имав 14 години“, рекла таа.
Таа исто така рекла дека земала антидепресиви додека била во средно училиште и дека поради нив се здебелила 15 килограми. Потоа ги сменила лековите.
„Почнав патување на самолекување. Се лекував. Бев опкружена со прекрасни луѓе“, додала Ариел.
