1. „Alfa Romeo GT“, година 2003-2006, од 140 до 240 коњски сили – 2.500 евра

Вакви модели може да најдете и со километража под 200.000 и прилично се пристапни. Моделот „Alfa GT“ со две врати е креиран на платформата на моделот 156 и е веројатно најелегантниот автомобил од својата класа во овој ценовен ранг, пишува германскиот магазин.

Колку што е подоцна произведен толку подобро затоа што првобитно неквалитетната изработка подоцна била санирана.

2. „Kia Picanto“, година 2004-2011, од 65 до 75 коњски сили –  1.300 евра

ESP било воведено во автомобилите со редизајнот во 2008 година. Меѓутоа, безбедносната електроника не била стандардна, па при купување убедете се дека ESP навистина е вклучено.

Електронската програма на стабилност е признаена безбедносна технологија вградена во сите возила од 2014 година. Технологијата за спасување животи работи заедно со системското кочење ABS и TCS за да му помогне на возачот во критични ситуации при возењето.

3. „Audi A2“, година 1999-2005, од 61 до 110 коњски сили –  2.500 евра

Овој мал автомобил со целосно алуминиумска конструкција е повеќе баран заради редизајнот во 2003 година со моќен дизел мотор. Нуди пристоен комфор, а моторите се многу економични.

Најмногу внимание обрнете на сопирачките. Покрај тоа, квалитетот на изработка е солиден. Просечна цена на овој автомобил е 3.000 евра.

4. „Honda Jazz“, година 2008-2015, од 80 до 120 коњски сили –   4.000 евра

На многу од тестовите за поволни возила со 100.000 километри добил највисоки оцени.

„Honda“ традиционално е мудар избор при купување поволни автомобили поради својата долговечност, но треба да се провери дали корозијата влијаела на автомобилот, а задните сопирачки понекогаш можат да предизвикаат проблем.

5. „Škoda Roomster“, година 2006-2015, од 64 до 105 коњски сили – 2.000-2.500 евра

Компактен дизајн, економичен автомобил којшто нуди многу простор одзади.

Најдобро е да изберете 1,6-литарски мотор којшто би било добро да го проверите после 90 илјади километри. Сопствениците на поволните модели повремено пријавуваат проблем со зголемена потрошувачка на масло.