Модриќ слета во Милано и ја испрати првата порака на мајчин јазик

Фудбалскиот маестро кој оставри историја во Реал Мадрид пристигна со цел да ги комплетира лекарските прегледи и да стави параф на договорот со Милан, па во ситуација кога немаше време за интервјуа, сепак издвои неколку зборови за своите сонародници.

– Среќен сум што сум тука и се радувам на новите предизвици кои ќе ги имам, – изјави Модриќ на мајчин јазик.

Новинарите настојуваа да добијат повеќе одговори за тоа како ќе се одвива денешниот ден, но Лука учтиво им возврати и порача дека ќе има доволно време да се зборува за се што ги интересира.

Модриќ на 39-годишна возраст пристигнува да биде големо засилување во средниот ред на Милан, а со своето искуство и знаење сигурно ќе има круцијална улога во системот на Макс Алегри.