Сите ја вариме во вода, а потоа се прашуваме зошто е без вкус.

Многумина со нетрпение ја очекуваат сезоната на пченка. Лесно се подготвува, сите ја сакаат и делува како здрава замена за леб. Но, да бидеме искрени, варената пченка често завршува како млака, водникава и здодевна.

Затоа, виралниот рецепт на готвачот Том Бејтмен од ТикТок е вистинско откритие.

Наместо да ја варите, тој предложува да направите нешто целосно поразлично.

Состојки:

За пченката:

- 2 пченки;
- 2 лажички сол;
- 1 лажичка бел бибер;
- 2 лажички чили;
- 2 лажички мелен кумин;
- 2 лажички мелена пиперка;
- масло за пржење.

За сос:

- 6 лажици кисела павлака;
- рендана кора и сок од една лимета;
- една дланка коријандер или магдонос по вкус;
- прстофат сол.

Подготовка:

Исечете ја пченката на половина, па секоја половина уште еднаш по должина, така што ќе добиете помали парчиња.

Во чинија помешајте ги сите зачини.

Загрејте го маслото во тавата (идеална температура е 175 степени Целзиусови) и пржете ги пченките околу четири минути додека не станат крцкави.

Може да ги испечете и во рерна или „air fryer“, во тој случај на 200 степени Целзиусови додека не добијат златна кора.

Во чинија помешајте ги сите состојки за сосот.

Би го пробале ли и вие овој рецепт?