[ВИДЕО] Велат дека поубав маж не се појавил во светот: Ирина Шајк на улица се бакнувала со славниот актер, но хемија – никаде

Микеле Мороне, италијански актер најпознат по филмот „365 дена“ крена многу прашина изминативе години и стана еден од најпосакуваните момци, а веќе подолго време соработува со брендот „Долче и Габана“.

Италијанската модна куќа сега го споила со руската манекенка Ирина Шајк со која снимал реклама во Наполи, а моментите од снимањето ги преплавија социјалните мрежи.

Популарната манекенка се бакнувала со Мороне, се прегрнувала и давала сѐ од себе, но судејќи по коментарите, сѐ делувало многу деловно и без хемија.

„Јас делувам пострасно додека гледам како се пече пита“, „Имаш двајца толку згодни луѓе и – ништо“, „Овој бакнеж изгледа како претходно да пребарувале како се бакнува“, се дел од коментарите на социјалните мрежи.

Ирина и Микеле изминативе години одвоено биле застапени во реклами за брендот „Долче и Габана“ и ова е првпат да работат заедно, а италијанскиот актер во своите претходни соработки имал повеќе среќа кога станува збор за хемијата со колешка.

Тој минатата година снимал и со Меган Фокс, а тие делувале навистина блиско и складно што нивните претставници за медиумите морале да демантираат дека се пар во приватниот живот.

Италијанецот исто така соработувал и со Блејк Лајвли, а направил исклучок од своето правило да не се меша во скандали кога јавно ѝ пружал поддршка во екот на нејзината правна битка со Џастин Балдони.