Неочекувано, овој шпански мајстор открил дека моделот „MG ZS“ е опремен со некои од најпознатите европски брендови во автоиндустријата, иако компанијата е во кинеска сопственост.

Според него, автомобилот имал батерија од престижниот германски бренд „Varta“, додека ремените биле од северноамериканската фирма „Gates“. Дел од компонентите на сопирачките биле произведени од германската марка „Ate“, а контролната единица на возилото, како што се наведува, била дизајнирана од „Bosch“.

„MG ZS“ е еден од водечките компактни SUV модели во Европа и беше пазарен лидер во Шпанија, делумно поради тоа што е еден од најдостапните модели во својата класа.

„Наместо 100% кинески, содржи 40% европски делови“

Говорејќи во видео на "TikTok", механичарот објаснил:

„Да почнеме со батеријата. Веројатно знаете дека најголемите производители на батерии се „Varta“, „Tudor“ и „Yuasa“. Овој автомобил има батерија „Varta“, што е германски производ. Значи, „MG“ користи батерија „Varta“.“

„Следно: ремените. Кој бренд го користи? „Daiko“? „Continental“? „Gates“? Во овој случај, ремените се „Gates“. Фокусирајте се малку – обидете се да зумирате. Како што гледате, јасно пишува „Gates“, што е американски бренд. Досега: германска батерија („Varta“), американски ремен („Gates“).“

Подеталната проверка на внатрешноста открила дека мерачот за проток на воздух го развила „Continental“, технологија што ја користат водечки марки како BMW и Mercedes. Конечниот преглед открил и гуми од марката „Michelin“, еден од најдобрите производители на пазарот.

Овие откритија, според механичарот, сугерираат дека, и покрај пониската почетна цена, некои кинески брендови сè уште користат реномирани европски производи за клучни компоненти.

„Да сумираме: досега најдовме главно германски брендови. Од пет-шест главни компоненти што ги проверивме, повеќето се европски. Со други зборови, користат практично исти брендови како и секој европски автомобил“, изјавил тој.

На крајот, им порачал на гледачите: „Наместо да биде 100% кинески, испаѓа дека околу 40% од деловите се европски. Одлуката е ваша, јас само ви покажувам што има внатре.“