Секоја година дел од туристите остануваат без регистарски таблички, а понекогаш и без возачка дозвола, па наместо да уживаат на плажа тие ги посетуваат полициските станици и молат да документи.

Адвокатот Владимир Милијевиќ објаснува кои прекршоци можат да доведат до отстранување на регистарските таблички и какви казни следат, пренесува „Мондо“.

Неодамна на некоја Србинка поради непрописно паркирање во Солун, полицијата ѝ ги одзела регистарските таблички и ѝ напишала казна во висина од 150 евра.

Како што појаснува адвокатот, казните во Грција варираат од 100 до 1.000 евра во зависност од прекршокот, а постои шанса полицијата да ви ја одземе сообраќајната и возачката дозвола.

Поради кои прекршоци полицијата во Грција ги отстранува регистарските таблички?

Како што појаснува адвокатот, во сите закони непрописното паркирање е еден од најблагите прекршоци, но во Грција за секој прекршок може да се очекува да бидете строго казнети.

„Значи, покрај непрописното паркирање, што е нешто особено традиционално познато кога говориме за летувањето во Грција и начинот на постапката на грчките власти, предвид доаѓа и друг вид непрописно однесување во сообраќајот, како што е претекнување преку неиспрекинати линии, надминување на брзината и многу често јас сум се сретнал со ситуација преминување на црвено светло на семафорот“, појаснува адвокатот.

Одземање на возачка дозвола

Според грчкиот закон за сообраќај, во случај на непрописно паркирање, освен отстранување на табличките и парична казна може да биде применета и казната одземање на возачка дозвола на 10 дена и сообраќајна дозвола на 20 дена.

Некогаш командирите на полицијата се расположени, па веднаш по уплатената казна или во текот на утрешниот ден ја враќаат возачката дозвола и сите документи, а некогаш го задржуваат правото (како што законот им овозможува), да не ги вратат документите наредните 20 дена.

Откако ќе поминат 20 дена полицијата табличките ги испраќа во конзулатот, а конзулатот ги праќа на ваша адреса.

Кои се цените на казните за сообраќајни прекршоци во Грција?

Возење под дејство на алкохол: 78 – 1.200 евра.

Надминување на брзината во населено место до 20 км/ч.: 100 евра.

Преминување на црвено светло на семафорот и претекнување на полни ленти: 700 евра.

Некористење на безбедносен појас: 350 евра.

Непрописно паркирање: 40 – 80 eвра.

Користење мобилен телефон во текот на возењето: 100 евра.

Кратките дневни светла се задолжителни само при слаба видливост во тунел.

Пушење во автомобил доколку во него има дете помало од 12 години: 1.500 евра со одземање на возачката дозвола.