„Пензиите на „бејби бум“ генерациите ќе бидат избришани, многумина ќе oстанат дома или ќе живеат во подруми со своите деца. Тажно“, напишал Кијосаки во пораката која привлекла огромно внимание меѓу неговите следбеници.

„Инфлацијата ја претвора готовината во ништо“

Авторот на книгата „Богат татко, сиромашен татко“, го повторил своето претходно предупредување дека не треба да штедиш во „пари“ туку да вложуваш во реални средства.

„Со години говорам, штедењето готовина е патот до загубата. Инфлацијата парите кои ги штедиш ги претвора во ѓубре“, истакнал тој.

„Среброто и етериумот моментално се потценети“

Кијосаки ги советувал инвеститорите да разгледаат вложување во злато, сребро, биткоин и етериум, но особено се издвојуваат среброто и етериумот како моментално најповолни опции.

Верувам дека среброто и етериумот се најдобри затоа што не се само чувари на вредноста туку имаат и индустриска примена, а нивните цени сега се ниски“, напишал тој.

„Вложувајте со сопствена глава“

Кијосаки порачал дека секој треба да ги истражи предностите и мааните за различни инвестиции, да ги слушне критичарите и да донесе одлука врз основа на личната финансиска мудрост.

„Така се зголемува финансиската интелигенција и се станува богат“, заклучил авторот.