Според информациите кои ги пренесува „Business Insider“, Хуанг остро ги одбил наводите дека одредени менаџери ги советуваат тимовите да користат AI поретко, наведувајќи дека таквата пракса не ја поддржува во ниту еден облик.

Во текот на обраќањето, Хуанг нагласил дека сака да ја автоматизира секоја задача која е можно да биде автоматизирана со вештачката интелигенција. Според неговите зборови AI мора да биде дел од секојдневната работа во сите сектори од компанијата, а на вработените им порачал дека не треба да се грижат за губење на работата поради сѐ пошироката примена на автоматизацијата.

Хуанг потсетил дека „Nvidia“ во претходниот квартал вработила „неколку илјади“ нови луѓе, што, како што кажал, довело до проблем со паркинг местата во одредени канцеларии. Истакнал и дека компанијата и натаму забрзано вработува и дека смета дека тимот е за околу десет илјади луѓе помал отколку што треба да биде.

„Nvidia“ ја бара уште повеќе AI во секојдневната работа

Праксата на користење на вештачката интелигенција се поттикнува и во другите технолошки гиганти. Според наводите на „Business Insider“, компаниите како што се „Microsoft“ и „Meta“ ќе ги проценуваат вработените и врз основа на тоа колку активно ги користат AI алатките во текот на работата, додека пак „Google“ на своите инженери веќе им упатил препорака да користат AI во процесите на програмирање.

Сличен правец на организација на работата се гледа и во „Nvidia“ каде Џенсен Хуанг рекол дека инженерите секојдневно користат „Cursor“, АI асистент за кодирање. Доколку некои задачи не може веднаш да се извршат со помош на вештачката интелигенција, на вработените им порачал да продолжат да работат со алатките додека не ги дадат очекуваните резултати и активно не учествуваат во нивното усовршување.

Компанијата расте со голема брзина без оглед на критиките

„Nvidia“ во последната година нагло го проширила својот тим од 29.600 вработени на крај на фискалната 2024 година до 36.000 вработени на крајот од фискалната 2025 година. Како што расте бројот на работници, компанијата го шири и својот деловен простор, па неодамна отворила нови канцеларии во Тајпеј и Шангај со градење на два дополнителни центри во САД.