Нивниот нов дом е дел од ексклузивната резиденција „Nujuma“, во рамки на комплексот „Ritz-Carlton Reserve“.

Станува збор за осамено прибежиште кое нуди целосна приватност, а до него може да се пристапи исклучиво со изнајмен брод или хидроавион, што дополнително ја нагласува неговата ексклузивност.

Место за семеен мир

Португалскиот фудбалер објасни дека тој и Џорџина почувствувале посебна поврзаност со ова место уште за време на нивните посети.

„Црвеното Море е навистина извонредно место. Од нашата прва посета, Џорџина и јас почувствувавме посебна поврзаност со островот и неговата природна убавина. Ова е место каде што се чувствуваме смирено. Сега, кога овде имаме дом, можеме да поминуваме квалитетно време со семејството во целосна приватност и мир кога и да посакаме“, изјави Роналдо.

Инвестиција и приватност

Овој потег е дел од инвестициската стратегија на Роналдо, но и од неговата желба со семејството да ужива далеку од очите на јавноста. Парот престојува во овој регион уште од 2023 година, а сега се одлучи за купување на две вили во „Nujuma“ – една со три спални соби наменета за семеен престој и друга со две спални соби. Интересно е што Роналдо и Џорџина биле меѓу првите купувачи кои се одлучиле за оваа локација.

Добредојде им посака и Џон Пагано, извршен директор на компанијата „Red Sea Global Group“.

„Воодушевени сме што можеме да им посакаме добредојде на Кристијано и Џорџина во заедницата на ‘Red Sea Residences’. Нивната одлука да поседуваат недвижност токму овде ја потврдува привлечноста на оваа дестинација за оние кои бараат спој на луксуз, приватност, природа и авантура“, изјави Пагано.