На 19 години го презел татковиот бизнис и станал милијардер: „Кралот на шрафовите“ чие име го знаеме и во Македонија предвидува - на раб на колапс сме!

„Кралот на шрафовите“ не запира дури ни во поодминати години. Во интервју за „Augsburger Algemejne“, апелира на будење на германскиот пазар на труд.

„Мора повторно да произведуваме повеќе во Германија. Мора да бидеме повредни. Идејата на синдикалните претставници да измислат национален празник што паѓа во сабота или недела е луда. Во каков свет живееме? Секој што бара такво нешто мора да мисли дека парите паѓаат од небото како снегулки“.

Рајнхолд Вирт се пензионираше од секојдневното работење на својата компанија пред неколку години, а исто така ја напушти и својата позиција во надзорниот одбор на фондацијата на почетокот на минатата година, предавајќи му ја на својот внук, Бенџамин.

Анализирајќи ја состојбата на пазарот на трудот во Германија, тој доаѓа до следниот заклучок:

„Човек не може, а да не биде загрижен за Германија: Во други земји, луѓето работат подолго време за значително пониски плати по час“.

Тој, исто така, забележува дека вработените во Германија се разболуваат почесто од работниците во другите индустријализирани земји.

Со ова, тој индиректно се осврнал на дебатата за потврдите за боледување издадени по телефон. Канцеларот Фридрих Мерц неодамна ја разгоре оваа дебата, тврдејќи дека вработените често се „болни“ до три недели годишно - премногу, според него.

Германската влада моментално ја преиспитува постапката за издавање потврди за боледување.

„По период на просперитет, удобен живот, раскош, всушност слобода, желбата за повеќе пари, а уште помалку работа, растела во Германија. Рамнотежата помеѓу работата и приватниот живот сѐ повеќе се поместува кон приватниот живот“, изјавил Вирт, па додал:

„Во Германија сега сме стигнале до работ на колапс, фаза во која падот е неизбежен“.

„Промената на курсот ќе биде неверојатно тешка, „бидејќи денешните помлади вработени се неверојатно разгалени од нивните родители од генерацијата бејби-бумери“, предупредува Вирт.

Дури и на 90-годишна возраст, самиот Рајнхолд Вирт сè уште повремено презема задачи во рамките на својата корпорација: „Понекогаш диктирам писма дома во 21:30 часот и редовно се враќам во канцеларијата“.