Никола, актерка и наследничка, е најмладата ќерка на инвеститорот Нелсон Пелц и поранешната манекенка Клаудија Хефнер Пелц, кои со текот на времето станале влијателни во круговите на високото општество, пишува „Page Six“.

Нелсон Пелц: Таткото на Никола, милијардер

Нелсон Пелц е роден на 24 јуни 1942 година во Бруклин (Њујорк). По средното училиште се запишал на „Wharton School“ при Универзитетот во Пенсилванија, но го напуштил студирањето пред дипломирање. Потоа се вклучил во семејниот бизнис за трговија на големо и дистрибуција на храна „A. Peltz & Sons“.

Со братот Роберт ја развил семејната компанија и ја извел на берза под името „Flagstaff Corp.“, со приход од околу 150 милиони долари. Потоа купиле удел во „Triangle Industries“ и ја претвориле во еден од најголемите светски производители на амбалажа и компанија која влегла во листата „Fortune 100“, пред да ја продадат во 1988 година.

Во 1997 година, инвестиционата компанија на Нелсон, „Triarc Companies“, ја презела „Snapple“ од „Quaker Oats“, а во 2000 година ја продала на „Cadbury Schweppes“ за околу 1,45 милијарди долари.

Тој е коосновач на инвестициониот фонд „Trian Partners“, кој според јавни податоци управува со имот вреден околу 7,15 милијарди долари (податоци за 2023 година). Фондот инвестирал во големи компании како „Heinz“, „Cadbury“, „Kraft Foods“, „Wendy’s“, „PepsiCo“ и „Procter & Gamble“. „Forbes“ ја проценува нето вредноста на Нелсон на околу 1,6 милијарди долари.

Клаудија Хефнер Пелц: Мајката на Никола и поранешна манекенка

Клаудија Хефнер Пелц е родена на 12 март 1955 година во Балтимор (Мериленд). Успешната манекенска кариера ја започнала кон крајот на 1970-тите, работeјќи модни редакциски материјали и рекламни кампањи.

Се појавувала во списанија како „Vogue“, „Harper’s Bazaar“, „Elle“ и „Cosmopolitan“, а работела и кампањи за брендови како „Revlon“, „L’Oréal“, „Calvin Klein“ и „Chanel“.

Откако се омажила за Нелсон во 1985 година, таа се повлекла од манекенството и се посветила на филантропијата. Заедно со сопругот ја основале „Nelson and Claudia Peltz Family Foundation“, приватна фондација која поддржува образование, здравство, еколошки проекти и програми за млади.

Браќа и сестри

Освен Никола, Нелсон и Клаудија Пелц имаат уште седум деца: Метју, Вил, Бред, Бритни, Дизел, Закари и Грегори. Нелсон од првиот брак со Синтија Ејбрамс, во кој бил од 1964 до 1981 година, има и две деца.

Метју, како и таткото, се занимава со финансии и работи во „Trian Fund Management“, а исто така е и ненадзорен потпретседател (non-executive vice chairman) во „Wendy’s“. Вил тргнал по актерскиот пат на Никола и се појавувал во филмовите „Unfriended“ и „Sierra Burgess Is a Loser“, како и во сериите „Manifest“ и „Entourage.“ Бред, Закари и Грегори се занимавале со хокеј, Бритни се посветила на дизајн на ентериери, а Дизел е технолошки претприемач.

Никола, која глуми од 2006 година, се појавила во филмот „The Last Airbender“ (2010), потоа во филмот „Lola “(2024) и во трилерот „Pretty Ugly“ (2026).

Поврзување на семејствата Пелц и Бекам

Бруклин Бекам стана дел од семејството Пелц откако се ожени со Никола во 2022 година во Палм Бич, Флорида, на што присуствуваа бројни познати гости. Тој и Никола почнале да се гледаат во 2019 година, а според извештаите, по венчавката односите со неговите родители почнале да се влошуваат.

Бруклин во објава на Инстаграм во јануари 2026 потврдил дека не планира да се помири со родителите. Во подолга објава напишал дека со години молчел и се обидувал да ги задржи работите приватни, но дека неговите родители и нивниот тим продолжиле да се обраќаат на медиумите, поради што, како што тврди, одлучил да проговори и да ја раскаже својата страна од приказната.

Исто така, тврдел, дека неговата мајка пред гостите со него танцувала несоодветно и дека се чувствувал понижено поради тоа. Навел и дека Викторија наводно требало да ја изработи венчаницата на Никола, но на крајот се откажала во последен момент.

Од тогаш, според извештаите, Бруклин не се појавувал на некои поголеми семејни настани, а на родителите наводно им порачал дека можат да го контактираат само преку неговиот адвокат.

„Избирање страни“ во семејната расправија

Според извори, Нелсон и Клаудија Пелц му пружиле силна поддршка на Бруклин откако се оддалечил од родителите. Божиќ 2025 година, според пишувањата, Бруклин го поминал со семејството на сопругата и учествувал и на неколку нивни семејни патувања. Исто така, се наведува дека Нелсон Пелц ја водел церемонијата кога Бруклин и Никола во август 2025 ја обновиле брачната заклетва.

Бруклин во јули 2025 година на Инстаграм објавил фотографија со сопругата, што било толкувано како знак на близок однос. Според достапните извори, се чини дека е близок и со браќата и сестрите на Никола и често со нив присуствува на настани.