Орландо Блум по разделбата со Кети Пери се забавува со 21 година помлада манекенка, парот „уловен“ заедно
Британскиот актер Орландо Блум (49), по откажувањето на свршувачката со Кети Пери, започна врска со манекенката Луиса Лемел, која е 21 година помлада од него. Двајцата беа забележани додека го напуштаа „Levi's Stadium“ во Санта Клара по Супербоул.
„Беа заедно во апартманот „Raising Cane“. Беа многу блиски. Разговараа со Тод Грејвс и Џејми Фокс“, изјави извор за „Daily Mail“.
Orlando Bloom foi visto saindo de braços dados com a modelo Luisa Laemmel do Super Bowl 2026. #SuperBowl pic.twitter.com/TeVfDvYbMv
— Orlando Bloom BR (@obloombrasil) February 9, 2026
Тие сè уште не се огласија по повод новоста дека се во врска. Луиса Лемел живее во Њујорк и досега соработувала со неколку брендови, вклучувајќи ги „Calvin Klein“ и „Brandy Melville“.
Има потпишано договор со неколку модни агенции, меѓу кои се „New York Model Management“, „Women 360 Paris“, „The Lab Models“ и „LA Model Management“. Позирала за колекцијата венчаници на Вера Ванг за 2024 година.
Орландо речиси 10 години беше во врска со Кети Пери, а во јуни 2025 година потврдија дека ја раскинале свршувачката. По сè останаа во добри односи и рамноправно учествуваат во одгледувањето на нивната ќерка Дејзи Дав, која е родена во 2020 година.
Кети Пери ја пронајде среќата со поранешниот премиер на Канада, Џастин Трудо. Кон крајот на минатата година престанаа да се кријат и објавија заеднички фотографии на социјалните мрежи.
