Доколку во текот на зимата немате идеја што да послужите со јадењата кои во себе содржат месо, тогаш оваа совршена салата би можела да дојде како вистинско освежување.

Освен што е многу здрава, таа освежува, му дава сила на нашиот организам и претставува неисцрпен извор на витамини и минерали кои ни се многу потребни.

Виолетовото богатство, цвеклото, е намирница која е позната по разните благодати, а доколку ја направите и со рен ќе добиете вистински „бустер“ за имунитетот.

Состојки:

- 500 грама цвекло;
- 80 грама корен од рен;
- 1,5 лажичка сок од лимон;
- 1 лажичка шеќер;
- 1 лажичка сол.

Подготовка:

Измијте го цвеклото и варете го 60-80 минути. Оставете да се излади, па излупете го и ситно изрендајте го. Коренот од рен измијте го, излупете го и изрендајте го на ситната страна од рендето.

Во сад ставете го цвеклото, ренот, лимоновиот сок, шеќерот и солта, па сѐ добро измешајте. Смесата ставете ја во стаклен сад, добро затворете го и чувајте го во фрижидер.

Сокот од лимон може да го замените и со 9% алкохолен оцет.

На здравје!