Дека постојат последици за она што го кажувате и правите, можеби најдобро го покажува примерот на инфлуенсерот и јутјубер „Дин д Грејт“ (Deen The Great).
Имено, овој стример бил еден од гостите на роденденската забава на поранешниот шампион во полутешка категорија на УФЦ, Ремпејџ Џексон и таму бил нокаутиран.
За време на навидум безопасен разговор со друг поранешен УФЦ борец, Тики Госн, Дин започнал со навреди и провокации.
DeenTheGreat just got ROCKED by Rampage Jackson's manager and former MMA fighter Tiki Ghosn for threatening to slap him 😳 pic.twitter.com/Vvlw4y5zlp
— KickChamp👑 (@Kick_Champ) February 18, 2026
Поранешниот борец во велтер-категорија, кој има 18 победи и шест порази во кариерата, веднаш му рекол дека не му се допаѓа неговиот став и начин на зборување.
Кратко по тоа предупредување, Госн брутално го нокаутирал Дин д Грејт, по што ситуацијата дополнително ескалирала.
Дошло до буткање во кое се вклучиле повеќе лица, а можел да се слушне и Дин д Грејт, кој и покрај бруталниот удар продолжил да му се заканува на Госн.
Инаку неколку часа пред овој инцидент Дин имал уште еден „конфликт“, со професионалниот бодибилдер Лери Вилс, кој на крајот му удрил силна шлаканица.
Powerlifter Larry Wheels just slapped boxer Deen The Great for disrespecting his wife 😳 pic.twitter.com/naTsrkYWlf
— Happy Punch (@HappyPunch) February 17, 2026
Дин д Грејт е инфлуенсер и боксер познат по борбите со други лица популарни на социјалните мрежи, а најчесто кога ќе предизвика некој добива „ќотек“.
