Борејќи се со нејзиниот лик на маицата, покажа колку љубовта, истрајноста и верата се движечка сила на секој голем резултат.
Младиот Богдан Обрадовиќ од Србија стана шампион на Европа во бразилско џиу-џицу. Деветгодишниот Лозничанец успехот го оствари на првото натпреварување по смртта на мајка му.
Наташа Обрадовиќ починала на 30-ти декември 2025 година, а Богдан по освојувањето на херојскиот златен медал облече маица со нивна заедничка фотографија и натпис „Мамин шампион“.
По доделувањето на медалот, момчето го подигна прстот и покажа кон небото, јасно алудирајќи кому му го посветува медалот.
Борејќи се со нејзиниот лик на маицата, покажа колку љубовта, истрајноста и верата се движечка сила на секој голем резултат.
„Впечатоците слегнаа и чувството беше неописливо. Тато пред натпреварот ми рече дека ќе ми подготви подарок кога ќе излегувам по медалот. Кога победив и се качив на подиумот, ми ја покажа маицата. Бев воодушевен и многу плачев“, вели Богдан.
Додаде дека медалот ѝ го посветил на мајка си, навестувајќи колку му недостигала, но и вербата дека сепак го поддржувала на некој посебен начин. „На мама ѝ го посветив медалот. Беше тешко без неа, бидејќи не ме бодреше од публиката, но верувам дека ме бодреше од некое друго место“.
Симболично, ден по освојувањето на европското злато, Богдан го прослави деветтиот роденден. Иако има само девет години, зад себе веќе има две години посветена работа и тренинзи во Академијата за боречки спортови Лозница, каде што израснал во вистински мал шампион.
