Оваа торта без печење спојува крцкави парчиња бисквити со кремаста чоколадна смеса, создавајќи совршена комбинација на текстура и вкус.

Идеална е за родендени, слави или како слатко залче со попладневно кафе.

Состојки:

🎂300 грама бисквити;
🎂200 грама путер;
🎂200 грама чоколадо за готвење;
🎂100 милилитри млеко;
🎂100 грама шеќер;
🎂1 лажичка какао;
🎂1 лажичка рум.

Подготовка:

Подготовка на бисквитите

Бисквитите скршете ги на помали парчиња, не многу ситно.

Подготовка на чоколадната смеса

Во тенџере растопете го путерот, чоколадото и шеќерот, со постојано мешање. Додадете млеко и какао во прав, мешајте додека не добиете мазна смеса. По желба додадете рум.

Спојување со бисквитите

Во поголем сад измешајте ги скршените бисквити со чоколадната смеса.

Добро помешајте ги сите парчиња од бисквитите да бидат покриени со чоколадо.

Формирање на тортата

Обложете го калапот со фолија. Ставете ја смесата во калапот рамномерно и втиснете ја.

Најгоре изрендајте чоколадо или исечете ореви.

Ладење

Ставете ја тортата во фрижидер најмалку 3-4 часа, најдобро во текот на ноќта.

Сервирање

Извадете ја тортата од калапот, внимателно отстранете ја фолијата и по желба посипете со шеќер во прав или украсете со чоколадо.

Исечете од тортата потенки парчиња, па сервирајте.

На здравје!