Држава која нуди 25.000 евра за предавање на возачката дозвола: Целта е да се намали сообраќајниот метеж - треба да исполнувате 3 услови

Нудењето паричен стимул за возачите да се откажат од возачката дозвола звучи како почеток на ријалити шоу. Малкумина би поверувале дека ова е политичка мерка усвоена во Европа.

Имено, Малта одлучи да го намали бројот на возила на своите патишта, а за таа цел, Крис Бонет, министер за транспорт, започна серија иницијативи насочени кон намалување на сообраќајот и промена на локалната култура на патување.

Една од мерките е давање 25.000 евра (5.000 годишно) на оние кои ќе се откажат од возачката дозвола за пет години.

Само оние кои ги исполнуваат поставените услови можат да учествуваат во овој план:

⚡Да имате 30 години или помалку.
⚡Да живеете на Малта најмалку седум години.
⚡Да имате минимум 12 месеци искуство со возачка дозвола од категорија Б.

Од иницијативата се исклучени возачите чија возачка дозвола е суспендирана или поништена, носителите на дозволи што не припаѓаат на Европската Унија и оние на кои им е потребна за работа. Покрај тоа, мерката се однесува исклучиво на сопственици на патнички автомобили: исклучени се мотоцикли, комбиња и други слични возила.

Во текот на сите пет години, на корисниците на мерката им е забрането да управуваат со возила во Малта и во странство.

Секој што ќе биде фатен како вози додека е запишан во програмата ќе се соочи со казна од 5.000 евра. Покрај тоа, ќе мора да го врати преостанатиот износ од субвенцијата и може да се соочи со правни последици.

Возачите кои ќе се предомислат и ќе одлучат да ја вратат возачката дозвола во кое било време во текот на тие пет години ќе мора да ја платат казната плус евентуалниот неплатен долг. Конечно, кога ќе истечат петте години, учесниците ќе мора да аплицираат за нова возачка дозвола и да завршат 15-часовен курс за возење.

И покрај условите и правилата, од јануари оваа година, повеќе од 100 млади луѓе веќе ја предадоа својата возачка дозвола. Апликациите се отворени до 30 јуни.