Кога стапнала на црвениот тепих, модното издание на Шарлиз Терон предизвика мешани реакции. Некои ја критикуваа, други ја пофалија, но сега е јасно дека станува збор за еден од најефикасните стајлинзи досега во 97-годишната традиција на Оскарите.
Оскарите се најочекуваниот настан во годината кога станува збор за филмската уметност, па затоа со причина познатите дами го избираат својот стајлинг за оваа вечер со големо внимание.
Црвениот тепих често е место каде што шетаат познати личности, чии модни изданија ќе се паметат со години, па дури и децении.
Исто беше и во 2010 година, кога една од најубавите жени во светот, Шарлиз Терон, се појави во издание кое доби мешани реакции од модните критичари.
Иако не беше меѓу номинираните за Оскар, таа стана една од најзначајните дами која многумина ја рангираа дури и меѓу најлошо облечените на 82-то доделување на наградите Оскар.
Потоа Шарлиз Терон прошета во гламурозен фустан што за неа го направи Џон Галијано за „Dior HauteCouture“.
Долгиот сатенски фустан во нијанси на аметист и јоргован ги привлече сите погледи.
Креацијата, која ги откриваше рамената, ја следеше линијата на телото и се разлеваше во долниот дел, а драматичниот долен дел дополнително ја нагласуваше елеганцијата на фустанот.
Посебен детаљ беа драпираните апликации на корсетот кои личеа на цветни ливчиња. Актерката носела и чантичка во слична нијанса со фустанот.
Актерката го комплетирала својот изглед со кратка фризура собрана во елегантна пунџа, впечатлив црвен кармин и дискретен накит.
„Го обожавам овој фустан“, изјавила Шарлиз Терон кога ја прашале за креацијата која ја носи.
Таа беше волшебна и гламурозна на црвениот тепих, но модните критичари ја „распнаа“.
Некои коментираа дека апликациите во форма на роза на корсетот биле поставени на погрешно место, други го опишаа како едно од најнеобичните изданија во историјата на Оскарите, но сега од оваа временска дистанца дефинитивно е јасно дека станува збор за едно од најзапаметените модни изданија од Оскарите.
