Кошаркари како Норман Пауел, Аусар и Амен Томпсон веќе се дел од проектот кој би можел значително да ја издигне репрезентацијата на Јамајка на светската сцена. Меѓутоа, сè повеќе се зборува и за нови имиња кои би можеле да им се приклучат.

Во комбинација се и играчи како Скоти Барнс, Ајзеја Стјуарт и Девин Васел. Доколку се оствари ова сценарио, Јамајка одеднаш би добила екипа полна со високи и атлетски играчи кои се расположени за поени, но можат да одиграат и врвна одбрана.

Најголемото внимание е насочено кон Џејлен Брансон, чија баба и дедо по мајчина страна се родени на Јамајка, што остава можност еден ден да заигра за оваа репрезентација.

Иако постојат одредени административни и логистички пречки што би требало да се решат, такво сценарио не е невозможно, особено затоа што Јамајка сè повеќе се препознава како кошаркарска нација во развој.

Можните репрезентативци на Јамајка оваа сезона во просек бележат:

Џејлен Брансон („Њујорк Никс“) – 26,3 поени, 3,5 скока, 6,6 асистенции

Норман Пауел („Мајами Хит“) – 22,5 поени, 3,6 скокови, 2,6 асистенции

Скоти Барнс („Торонто Репторс“) – 18,7 поени, 7,8 скокови, 5,3 асистенции

Амен Томпсон („Хјустон Рокетс“) – 17,8 поени, 7,7 скокови, 5,3 асистенции

Ендру Вигинс („Мајами Хит“) – 15,9 поени, 5,1 скок, 2,8 асистенции

Девин Васел („Сан Антонио Спарс“) – 14,2 поени, 3,9 скокови, 2,4 асистенции

Аусар Томпсон („Детроит Пистонс“) – 10,2 поени, 5,9 скокови, 2,9 асистенции

Ајзеја Стјуарт („Детроит Пистонс“) – 10 поени, 5,1 скокови, 1,2 асистенции

Џош Минот („Бруклин Нетс“) – 6,2 поени, 3,2 скокови, 0,9 асистенции

Ник Ричардс („Чикаго Булс“) – 5,5 поени, 4,9 скокови, 0,3 асистенции

Доколку сите овие коцки навистина се наредат, Јамајка би можела да стане едно од најинтересните имиња на меѓународната кошаркарска сцена.