Трета среќа покрај милионерот: Славната русокоса не може да го скрие новото момче
Актерката Рис Витерспун неодамна го прослави својот 50-ти роденден, меѓутоа, на фотографиите што ги сподели на социјалните мрежи не можеше да се види ништо друго освен нејзините деца и пријатели. Својот избраник, Оливер Харман, успешно го крие од јавноста.
Рис се разведе од Џим Тот во 2023 година, а потоа утеха пронајде покрај Германецот кој е осум години постар од неа, со кого е исклучително среќна, но не сака да зборува за тоа.
Папараците успеаја да ги „уловат“ на одмор во Сен Тропе, но тоа беше сè, а како што тврдат изворите, зачувувањето на приватноста е нешто што им одговара и нему и нејзе.
„Таа ја сака својата работа, но не и славата и сака приватниот живот да го задржи за себе. Тоа е една од причините поради кои не сакала да биде во врска со некој познат“, рекол изворот и открил дека Рис не е едноставна за комуникација.
Наводно, според изворот, Рис сака сè да биде по нејзино или никако поинаку.
Харман живее во Њујорк и сè поизвесно е дека Рис ќе се пресели таму, а двајцата засега не размислуваат за брак. За Рис тоа би бил трет брак, а за Харман втор.
„Разговарале за тоа, но бракот не им е обврска. Нејзе ѝ се допаѓа тоа што тој е аутсајдер во Холивуд, но истовремено е многу успешен во својата работа. Тоа што има стотици милиони, секако, воопшто не одмага“, рекол извор за „The News International“.
