Кој е активен на социјалната мрежа X сигурно многупати наишол на прашања од корисници кои му се обраќаат токму на „Grok“ и бараат од него да направи различни визуелизации на одредени фотографии. Така, еден корисник ја замолил оваа алатка да покаже како би можел да изгледа Илон Маск „ако навистина сака“.

Неговата задача гласела: „Покажи ми каква би била трансформацијата на Илон Маск ако шест месеци е на медитеранска диета, внесува 1.800 калории, четири дена неделно интензивно тренира со тежини, два дена прави кардио и секојдневно поминува 10.000 чекори“.

Во прилог на задачата била поставена негова фотографија од плажа, направена пред извесно време, а потоа вештачката интелигенција создала верзија од Илон Маск што веројатно ни самиот не би можел да ја замисли.

На трансформацијата тој има извајани стомачни мускули, обликувани мускули на рацете и целосно затегнато тело. Исчезнал и подбрадокот, па лицето му изгледа како да направил врвен лифтинг.

Коментарите под објавата не престануваат да се редат. Додека некои истакнуваат дека 1800 калории за овие услови не се доволни и може да предизвикаат спротивен ефект, други се фокусирале исклучиво на неговиот изглед и сè сфатиле како вид забава.

Како што велат, многумина се сомневаат дека и самиот Илон се вмешал во оваа трансформација, со оглед на тоа што токму тој стои зад алатката способна да создаде вакви примери.

„Ова е одлично завршена работа, секоја чест за обработката“, воодушевено коментирале корисниците на X.

Фотографијата од Миконос долго време беше тема на коментари

Инаку, токму оваа оригинална фотографија долго време предизвикуваше реакции за изгледот на најбогатиот човек во светот и неговата чудна градба.

Додека социјалните мрежи беа преплавени со коментари за неговото тело, ни самиот Маск не остана рамнодушен и реши да одговори.

Сите негативни коментари тој, секако, ги прочитал и имал само еден одговор: „Ха-ха... можеби треба почесто да ја соблекувам маицата. Слобода за брадавиците!“.