[ФОТО] И покрај пороците – повторно е „бомба“: Само таа може толку самоуверено да се прошета без градник
Славната манекенка Кејт Мос во вторникот се појавила без градник, во маичка со тантела, на ревијата на модната куќа „Сен Лоран“ во рамките на Машката модна недела во Париз.
Кејт била во друштво на својата ќерка, манекенката Лила Мос (23), која за оваа пригода избрала елегантен мини-фустан.
Лила сè повеќе се наметнува како значајно име во модната индустрија, следејќи ги стапките на својата мајка. Претходно открила дека „барем еднаш неделно“ пребарува низ гардероберот на Кејт.
„Мама ме затекнува во нејзиниот гардеробер барем еднаш неделно, но знам дека сè што навистина е забрането ќе биде скриено. Така што, да, таа винтиџ Диор јакна сега е моја“, изјавила неодамна Лила.
За оваа пригода, Кејт блеснала во едноставна маичка без градник, украсена со тантела на рабовите. Ја искомбинирала со црни фармерки со прав крој, а изгледот го заокружила со елегантни влечки со тенки ремчиња и високи потпетици.
Нејзината препознатлива руса коса повторно беше доволна таа да блесне, а наместо силна шминка, Мос се решила за големи очила за сонце.
