Еден читател му го испратил на Индекс.хр своето искуство од Грција тврдејќи дека цените се значително пониски отколку во Хрватска.

Според неговите зборови, шише вода од 1 литар чини 1 евро, што, како што рекол е значително помалку отколку во хрватските туристички центри. Особено го изненадила цената на вечерата за четири лица.

„Вечера за 4 лица – 52 евра“

На сметката што ја споделил се наоѓаат традиционални грчки јадења и пијалаци. Биле нарачани грчка салата (7,50 евра), „yialantzi“ полнети тиквички (6 евра), суџук (8,50 евра), сардина на скара (8 евра), риба „koutsomires“ (11 евра), вода од 1 литар (1 евро) и две пива од 0,5 литри (10 евра). Вкупната сума на сметката изнесувала 52 евра.

„Кај нас таков оброк не може да помине под 100 евра“, рекол читателот, споредувајќи ги грчките и хрватските цени во рестораните. Тој тврди дека станува збор за вообичаени цени во грчките угостителски објекти, поради што смета дека оваа дестинација и понатаму е поповолна опција за летување во споредба со Хрватска.