Беше 60 години помлада од него, а сега ја откри мрачната страна од бракот со основачот на „Плејбој“: „Мораше да умре за јас да можам да си заминам“

Вдовицата на Хју Хефнер, Кристал Хефнер, се сети на животот што го поминала со основачот на „Плејбој“ во познатата вила на „Плејбој“. Тие се верија во 2010 година и беа во брак од 2012 година до неговата смрт во 2017 година.

Нивната врска започнала кога Кристал имала само 21 година, а на 24 години таа се согласила да се омажи за него. Хју во тоа време имал 84 години.

Таа рекла дека била жртва на емоционална манипулација, дека била контролирана и дека поради сето ова, по смртта на Хефнер, морала повторно да научи да живее.

„Секогаш морав да бидам дома пред да се стемни. Всушност, тој мораше да умре за да можам да си одам“, изјавила таа.

Таа, исто така, навела пример од нивниот брак за кој тврди дека бил свесна контрола врз нејзината слобода, иако станувало збор за „само гледање филм“. Тоа била редовна активност во вилата, а нејзиното присуство било задолжително.

„Филмот почна во 18 часот. Многу е рано, но морав да бидам таму. Изгледаше како обична рутина, но всушност тоа беше мојот полициски час и начинот на кој тој ме контролираше“, изјавила Кристал, која тврди дека била во целосна изолација и воопшто немала поим за својот живот - денес има.

„Мислам дека целосно ми го 'испраа' мозокот, а надвор од вилата не добив никаква потврда дека она што го чувствував има смисла. Мислев дека сум луда, бидејќи медиумите толку многу го возвишуваа Хефнер. Си реков: „Добро, ако сите го сметаат за неверојатен човек, тогаш претпоставувам дека нешто не е во ред со мене“, изјавила таа во подкастот „Никој не ја праша“.

„Денес ми е неверојатно што тогаш бев на негова страна и всушност работев против себе, додека тој ме држеше во таа запуштена, одвратна куќа и не ми дозволуваше да го видам моето семејство“, изјавила таа.

Во своите мемоари „Само кажувај добри работи: Преживување на Плејбој и наоѓање на себеси“, објавени во 2024 година, таа го опишала нивниот брак како брак во кој таа претрпела емоционално злоставување, опишувајќи го Хефнер како некој што може да биде и шармантен и суров во исто време.

Тој имал услови и за нејзиниот изглед, па откако таа се здебелила неколку килограми повеќе, барал да ослабе. Тој ја одредил и бојата на лакот за нокти, а облеката била исто така посебно барање.

„Морав да носам кошули во светли бои и „знаме“, што значеше дека некаде на облеката морав да го имам логото на „Плејбој“. Морав постојано да го избелувам израстокот. Штом малку ќе пораснеше, тој ќе ме тапкаше по главата и ќе ми велеше да се грижам за него“, се присетила Кристал на својот живот во тоа време, не криејќи колку ѝ било тешко да се врати во реалниот живот по неговата смрт. Толку многу што првите шест недели не ја напуштила својата соба во вилата, а долго време била на терапија.

Иако веднаш по смртта на Хју Хефер изјави дека „тој ѝ дал живот“ и ја научил на добрина и љубов, денес таа гледа на тој период многу поинаку.

„Сфатив дека животот во вилата остави многу поголем белег врз мене отколку што мислев. Само сакав да ја кажам вистината за времето што го поминав таму и се надевам дека ќе можам да им помогнам на другите со тоа“, изјавила таа.

„Искрено верувам дека тоа беше Стокхолмски синдром, бидејќи живеев во целосно изолиран свет. Од некоја причина, чувствував дека морам да го заштитам“, беа зборовите со кои таа размислуваше за својата ментална состојба во тој момент.