Антониа Гиговска ги користи летните денови за заслужен одмор и релаксација во друштво на својот тригодишен син Киан. Пејачката сподели неколку фотографии од плажа, на кои во опуштено издание позира со својот син, а вниманието го привлече и нејзиниот природен изглед.
На фотографиите Антониа е без грам шминка и во природно издание, а и покрај тоа изгледа свежо и блескаво. Таа за на плажа избра бело бикини со впечатлив дезен со цреши, кои дополнително го нагласуваат нејзиниот летен стајлинг.
Посебно емотивни се фотографиите на кои пејачката го прегрнува Киан, а во еден од моментите му дава и бакнеж во уста. Мајката и синот очигледно уживаат во заедничкото време, далеку од секојдневните обврски и работните ангажмани.
Антониа и овојпат не се откажа од својот препознатлив впечатлив маникир. Таа позира со екстремно долги нокти во различни бои, со што и во опуштеното издание за на плажа внесе доза на гламур и личен стил.
Пејачката периодов има особено динамичен период зад себе. По промоцијата на новиот албум и низата настапи, летниот одмор доаѓа како совршена можност за полнење на батериите и поминување повеќе време со Киан.
Иако професионалните обврски продолжуваат, судејќи според фотографиите, Антониа моментално е целосно посветена на уживањето во малите моменти со својот син – од плажа, сонце и море, до прегратки и семејни мигови кои остануваат како убави спомени.
