Во заднината на една таква снимка, вниманието го привлекла голема слика на која 35-годишниот актер држи сопствена отсечена глава.

Снимката набрзо почна да шири на социјалните мрежи, а многумина ја споредија со сцена од сатиричната комедија „Зуландер“ од 2001 година, во која Бен Стилер глуми егоцентричен манекен. „Не постои посилен знак на скромност од автопортрет на кој ја држиш сопствената отсечена глава“, гласи една од виралните реакции.

Едни го исмеваат, други го бранат

Мороне порано го поврзуваа со познати жени како Меган Фокс и Клои Кардашијан, но по фотографијата многу корисници заклучија дека актерот остава впечаток на личност која е голем обожавател на самиот себе.

„Тој е сам на себе најголем обожавател. Се обложувам дека сопствената слика му е позадина на мобилниот“, е еден од коментарите што привлече внимание. Други корисници беа уште подиректни. „Ми оди на нерви“, напиша еден со емотикон што плаче од смеење, додека друг додаде: „Тој е дефиниција за кринџ личност“.

Се појави и споредба која собра повеќе од 9000 лајкови: „Немојте да ме мразите, но тој е машката верзија на Сидни Свини“. Сепак, некои се обидоа да ја објаснат ситуацијата. Една корисничка претпостави дека Мороне би можел да биде автор на сликата. „Тој слика, па мислам дека тоа сам го насликал, што целата работа ја прави уште полоша“, напиша таа.

Слава по „365 дена“

Мороне стекна светска слава во 2020 година со главната улога во еротската драма на Нетфликс, „365 дена“. Во филмот го толкува Масимо Торичели, шеф на мафијашко семејство кој ја киднапира Лаура Биел (Ана-Марија Сјеклуцка) и ѝ дава една година да се заљуби во него.

Филмот предизвика бројни критики поради приказот на односот помеѓу главните ликови. Критичарите го обвинуваа дека го романтизира киднапирањето, заробувањето и проблематичната динамика на моќта. Филмовите од франшизата се засноваат на трилогијата на полската писателка Бланка Липинска.

По улогата што го прослави, Мороне се појави во филмот „The Housemaid“ заедно со Сидни Свини и Аманда Сејфрид, како и во продолжението на филмот „Another Simple Favor“ со Блејк Лајвли.