Супермоделот Кендал Џенер го предводеше меѓународниот состав на глобалните амбасадорки на брендот и познати личности на годишната модна ревија на брендот „L'Oréal Paris“, одржана на плоштадот Плас Жофр во Париз.
Годишниот настан на пистата, под називот „Express Your Worth“, директно се надоврза на култниот слоган на овој бренд, собирајќи врвни ѕвезди од светот на забавата и спортот, кои за време на Модната недела во Париз носеа уникатни дизајнерски креации.
Џенер ги привлече сите погледи при излегувањето на модната писта, шетајќи во елегантен проѕирен црн фустан кој се обвивал околу нејзиното тело и паѓал сè до подот.
Креацијата со висока јака и исклучително висок шлиц на ногата ја надополниле едноставни црни сандали со тенка потпетица, како и свилена долна облека во боја на слонова коска, дискретно видлива под проѕирниот материјал.
Ова појавување следуваше само два дена откако Џенер носеше ревија за модната куќа „Bottega Veneta“ во Милано.
Следејќи го нејзиниот пример, вниманието го привлече и супермоделот Хајди Клум во светкав фустан на преклоп со долги ракави, длабоко деколте, висок шлиц и класични црни чевли со висока потпетица.
На спектаклот му се придружија и други икони на модните писти, како и холивудски имиња, меѓу кои Вајола Дејвис, Џејн Фонда, Ева Лонгорија, Енди Мекдауел, Симон Ешли, Кристен Бел, Аја Наоми Кинг и Филипен Лероа-Болие.
Фонда носеше долг светкав црвен фустан со детаљ на предниот дел од корсетот, во комбинација со темноцрвени чевли со висока потпетица, додека Лонгорија се одлучи за црн комбинезон со врзување околу вратот и металик златен ѓердан.
