Оваа 30-годишна телевизиска водителка, радио-спикерка и манекенка привлекува големо внимание со своите појавувања пред камерите, а популарноста ја пренела и на социјалните мрежи, каде што ја следат голем број луѓе.

Која е Ванеса Миноти?

Ванеса е родена на 8 јули 1996 година во Монца, во близина на Милано. Дипломирала интерпретација и комуникација на Универзитетот ИУЛМ во Милано, а покрај мајчиниот италијански јазик, зборува и англиски и шпански.

Токму познавањето јазици станало една од нејзините предности во телевизиската кариера. Временската прогноза ја презентирала и на англиски и на шпански јазик, а во текот на кариерата се појавувала на италијански телевизиски канали како Раи2, Ла7 и Телеломбардија.

Но, телевизијата не е единствената област во која изградила кариера. Работела и како радио-водителка, односно спикерка, а се поврзува со познати италијански радиостаници како РТЛ 102.5, Радио Диџеј и Радио Кис Кис.

На Инстаграм го покажува и животот надвор од телевизиското студио

Голем дел од својата популарност Ванеса ја должи и на социјалните мрежи. На Инстаграм објавува фотографии од телевизиски снимања, патувања и настани, но и модни комбинации и кадри од модни фотосесии.

Токму спојот на телевизијата, модата и социјалните мрежи ја направи препознатливо лице и надвор од класичната временска прогноза.