[ВИДЕО/ФОТО] „Tesla“ претстави автомобил што лета! „Roadster“ забрзува од 0 до 100 км/ч за помалку од 1,6 секунди

„Tesla“ наведува автономија од околу 480 километри и максимална брзина од околу 370 км/ч за верзијата „Rocket“. Забрзувањето од 0 до 100 км/ч кај верзијата „Performance“ изнесува помалку од 1,6 секунди, кај „Thrust“ помалку од 0,9 секунди, а кај „Rocket“ помалку од 0,59 секунди.

Компанијата најавува дека новиот „Roadster“ ќе има вентилатор под возилото, кој создава странично забрзување во свиоците до 2 г, односно двојно поголемо од Земјиното гравитациско забрзување, како и потисници од „SpaceX“.

„Tesla“ тврди дека автомобилот може да минува низ свиоците со сила поради која изгледа како да ги прекршува законите на физиката, а најавува и дека „Roadster“ може буквално да лета.

Иако Tesla сè повеќе се фокусира на автономното возење, „Roadster“ треба да остане исклучок во понудата. Илон Маск изјави дека долгорочно ова ќе биде единствениот автомобил на „Tesla“ со рачно управување.

„Ова, всушност, долгорочно ќе биде единствениот автомобил со рачно управување што ќе го произведува ‘Tesla’“, најави тој.

Маск додаде дека компанијата поради тоа сака да оди подалеку од вообичаените граници.

„Значи, ако ова ќе биде единствениот автомобил со рачно управување, ајде да ги поместиме границите и да одиме надвор од нив“, додаде тој.

Една од најнеобичните карактеристики на „Roadster“ е скриена под автомобилот. „Tesla“ разви систем за вшмукување со вентилатор на долниот дел од возилото, кој активно го влече автомобилот кон подлогата и, според тврдењата на компанијата, овозможува странично оптоварување до 2 г во свиоците.

„Tesla“ наведува дека го развива „Roadster“ за да понуди перформанси што ги надминуваат можностите на денешните спортски автомобили и да соборува рекорди на патеките. Маск најави: „Ќе го собори секој рекорд на патека што некогаш постоел“.