Кариерата на Џек Николсон беше обележана со низа иконски улоги што му го обезбедија статусот на актерска легенда. Сепак, една од најпознатите приказни за неговата кариера не е поврзана со улогата што ја прифатил, туку со онаа што ја одбил - во класикот „Кум“ од 1972 година, пишува списанието „Far Out“.
Режисерот Френсис Форд Копола му ја понуди на Николсон една од главните улоги во неговата криминална драма. Иако филмот на крајот не страдаше од неговото отсуство и доживеа огромен успех благодарение на изведбите на Марлон Брандо, Ал Пачино и Џејмс Кан, интересно е да се замисли како би се развивала приказната доколку Николсон ја прифатеше улогата.
Две клучни причини за одбивањето
Актерот потврди дека навистина го одбил филмот, а неговата одлука се темелела на две конкретни причини. Во тоа време, веќе се сметаше дека Николсон може да стане „новиот Брандо“, но тој имал јасни услови.
„Отсекогаш сакав да работам со Марлон, но ми ја понудија главната улога“, објаснил Николсон.
„Мислев дека треба да ја игра италијански актер. Освен тоа, сценариото што го прочитав немаше никакви сцени со Марлон, па затоа одбив“.
Според него, одлучувачки фактор бил фактот што не добил можност да го сподели кадарот со актерите што ги ценел.
Различен кариерен пат
Откако ја одбил улогата во „Кум“, Николсон продолжил да го гради својот пат. Во годините што следеа, тој ги постигна некои од своите најпознати улоги, вклучувајќи ги оние во „Лет над кукавичкото гнездо“ и „Сјаење“.
Улогата во филмот на Копола ќе му донесеше пари и признание, а повеќе од 50 години подоцна, таа останува само интересен детаљ во една од најпаметните кариери во Холивуд.
