Машка мода: Како да носите поло маици оваа пролет?
Пристигнува топлиот период во годината, а тоа значи дека сè повеќе време ќе поминуваме во маици по кратки ракави. Маиците понекогаш знаат да делуваат несериозно и премногу опуштено, па затоа поло маиците се одличен избор за оние кои сакаат да изгледаат елегантно, а кои не сакаат да носат кошули.
Ние денеска се одлучивме да ви дадеме неколку совети како оваа пролет да ги носите вашите омилени поло маици.
Добрата поло маица и тексас јакната се совршен спој. Со ваквата комбинација ќе постигнете одличен контраст, а поло маицата ќе направи да изгледате поелегантно, но сепак не пренападно.
Доколку не сакате да носите кошула под џемперот, тогаш поло маицата е совршена за вас бидејќи го постигнува истиот ефект, а е многу поудобна за носење. Тогаш најмногу до израз доаѓаат маиците со крагна, па поради тоа бирајте маици кои имаат убави и привлечни крагни.
Ова е можеби и најдобрата пролетна комбинација бидејќи истовремено овозможува да делува лежерно и елегантно. Опуштените блејзери се вклопуваат со поло маиците, а доколку во ормарот имате неколку различни маици, тогаш секој ден можете да изгледате поинаку и можете да правите различни комбинации на бои.
