Најдобриот патнички автомобил на северноамериканскиот пазар за 2019 година е “Genesis G70”.
Луксузната лимузина која ја произведува “Hyundai” под името на премиум брендот “Genesis” триумфирала пред моделот “Honda Insight” и “Volvo S60/V60”, кои го заземаат второто, односно третото место во овој избор.
Во класата на кросовер/SUV модели, исто така победил уште еден корејски автомобил – “Hyundai Kona”.
“Kona” која е достапна и во електрична верзија, оставила зад себе поскапи, поголеми и полуксузни автомобили како што се “Acura RDX” и електричниот кросовер “Jaguar I-Pace”.
Во пикап автомобилскиот сегмент кој е многу популарен на северноамериканскиот континент, автомобил на годината е “Ram 1500”. Втор е “Chevrolet Silverado 1500”, а на третото место се најде “GMC Sierra 1500”.
Минатата година во изборот за најдобар патнички автомобил во Северна Америка победил моделот “Honda Accord”, пред моделот “Kia Stinger” и “Toyota Camry”.