Во споредба со глобалната криза од 2008-2009-та година, сега зголемена е глобалната невработеност за 22 милиони луѓе.
Глобалните губитоци на работните места како последица на коронавирусот би можеле да ја надминат бројката од 25 милиони, колку што е проценето пред само неколку денови, оценуваат од ОН, напоменувајќи дека извештајот за раст на невработеност во САД е на највисоко ниво, а тоа укажува на експлицитни економски катастрофи.
Меѓународната организација за работа, врз основа на различните сценарија оценила дека пандемијата влијае на светската работна сила и економија и дека бројот на невработеност на глобално ниво е зголемен од 5.3 милиони на 24.7 милиони луѓе.
Меѓутоа, Сангеон Ли, директор на МОР одделението за политика и вработување, изјавил дека обемот на привремена невработеност, отпуштања и бројот на барања за помош поради невработеност е многу поголем отколку што се проценувало претходно.
„Проекцијата за губитокот на работните места ќе биде многу поголема, многу повеќе од 25 милиони колку што се проценуваше претходно“.